Today(ဒီနေ့)
ဖေမြ။ ။လာဗျာ- ထိုင်- ဒီတစ်ခေါက်မြို့တက် သွားတာ ဘာများထူးလာခဲ့လဲ
ကိုသာလှရဲ့- ဝေငှစမ်းပါဦးဗျာ။
သာလှ။ ။ဘာထူးမှာလဲဗျာ- စိတ်လေစရာတွေချည်းပါပဲ။
ဖေမြ။ ။“ယူလာစရာ သတင်းကောင်းမဟုတ်လို့ ပြောဖို့စကားစဆွံ့အ
ကာ၊ရင်ထဲမှာပြန်လည်စီစဉ်ရင်း--”ဆိုတဲ့ ကိုတိုးကြီးရဲ့သီချင်းထဲကလိုဖြစ်နေပြီပေါ့။
သာလှ။ ။အေးဗျာ- ကိုတိုးကြီးကိုလည်းသတိရတယ်၊ ကိုတိုးကြီးရဲ့သီချင်းတွေကိုလည်း
သတိရတယ်။
ဖေမြ။ ။ကျေးဇူးပဲ ကိုတိုးကြီးရေ- ကျုပ်တို့ရဲ့ ခြောက်သွေ့တဲ့ညာဉ်များမှာ
ကိုတိုးကြီးရဲ့ သိင်္ဂါရ ရသကိုမှီဝဲရင်း ဖြတ်ကျော်ခဲ့ခြင်းခွင့်အတွက်ပေါ့။
သာလှ။ ။ငြိမ်းချမ်းခြင်း မင်္ဂလာကို ကိုတိုးကြီးနဲ့အတူ ပို့ဆောင်
ကောင်းကြီးပေးတဲ့ ဘုရားရှင်ရဲ့မေတ္တာကိုချီးမွမ်းပါတယ်။
ဖေမြ။ ။ဟာလေလူးယာပါ ဘုရားသခင်။
သာလှ။ ။ယူလာတာ သတင်းကောင်းမဟုတ်တဲ့သတင်းကတော့ ဆရာစောဝင်းတစ်ယောက်
သေနတ်နဲ့ အပစ်ခံရတယ်ဆိုတဲ့သတင်းလေ။
ဖေမြ။ ။ဟေ- ဘယ်ကဘယ်လို- ဘယ်သူကဘာနဲ့ပစ်တယ်။
သာလှ။ ။သူအမေရွာ သွားပြီး မော်တော်ဆိုင်ကယ်နဲ့ပြန်အလာ
လမ်းမှာသေနတ်နဲ့ အပစ်ခံရတာတဲ့။ အဲဒါနဲ့ မြို့ဆေးရုံကိုရောက်လာတယ်၊ တော်တော်နာသွားတယ်ဗျာ၊
သေတော့မသေသေးဘူး။
ဖေမြ။ ။ကျေးဇူးတော်ခံစားရပါစေဗျာ။
သာလှ။
။ ကျုပ်လည်း မြို့မကဆရာတော်တွေ၊ဂေါပကတွေနဲ့လိုက်သွားတာ၊ မြင်ရတာမြင်ကွင်းမကောင်းပေမယ့်
ကျုပ်အတွက်တော့ ခွန်အားအများကြီးရခဲ့တယ်-ကိုဖေမြ။
ဖေမြ။
။ဘာများလဲဗျာ။
သာလှ။ ။ကျုပ်တို့ရောက်တော့ ဗူးတွေမနည်းဘူးဗျာ ချိတ်ထားလိုက်တာ-
အောက်စီဂျင်၊ သွေး၊ဆေး၊ဆီး၊သွေးပုပ်ထုတ်၊ အို-စုံနေတာပါပဲဗျာ၊ ထိသွားတာကတော့ အရိုး၊
အူ၊ အသည်း၊ အဆုတ်၊ ဒိုင်ယာဖရမ် တစ်ချက်တည်းနဲ့အားလုံးစားတယ် ဆိုသလိုပဲ။ လူနာရဲ့မျက်နှာလေးကတော့လှန်းနေသေးတယ်ဗျာ
ကျေးဇူးတော်ပါပဲ- စကားကောင်းကောင်းပြောနိုင်တယ်၊ နေရတာလည်းသက်တောင့်သက်သာရှိနေပါတယ်တဲ့၊
အဲဒါနဲ့ အကျိုးအကြောင်းလည်းကောင်းကောင်းပြောနိုင်တယ်၊ ဖြစ်ပျက်ခဲ့တာတွေအားလုံးမှတ်မိတယ်၊
သူမသိတာက သူ့ကိုဘာကြောင့်သေနတ်နဲ့ပစ်တာလဲ တစ်ခုပါပဲတဲ့။
ဖေမြ။ ။နားထောင်ရတာနဲ့ စိတ်မောသွားတာပါပဲ ကိုသာလှရာ။
သာလှ။ ။ဆရာတော်က သူ့အတွက်ဆုတောင်းပေးပြီးတာနဲ့ သူမျက်လုံးကပေကလပ်ပေကလပ်
လုပ်နေတယ်၊ ကျုပ်သိတာပေါ့ ကျုပ်က လာကတည်းကတစ်ချိန်လုံး သူ့ကိုပဲဖတ်နေတာ- သူဝမ်းသာဝမ်းနည်းဖြစ်ပြီးငိုချင်သွားတာ
ကျုပ်သိနေတယ်၊ ဆုတောင်းခြင်းအားဖြင့်သူ့ကိုသတိရမှုအတွက်ပေါ့၊ နိုင်ငံတော်ရဲ့ဟီးရိုးတွေလည်း
လူတွေပါပဲ၊ နောက်ပြီးသူမကြောက်ဘူးဆိုတာကလည်း ကျုပ်သိနေတယ် အဲဒါကကို ကျုပ်အတွက်သူ့ဆီက
သင်ရန်စာတွေ ခွန်အားတွေရခဲ့တာပဲ။
ဖေမြ။ ။ဒါနဲ့။
သာလှ။ ။အားပေးစကားလေး ဘာလေးပြောပြီးပြန်လာခဲ့ကြတာပေါ့ဗျာ။
ပြန်တဲ့လမ်းမှာ ကျုပ်က သူငယ်ချင်းတစ်ယောက်ကို စကားပြောဖြစ်တယ်၊ ပြောတဲ့စကားကတော့ “ငါ
- လူနာကို သိပ်မေးချင်နေတဲ့ စကားတစ်ခွန်းရှိတယ် နင်ကြောက်နေလားလို့ပါ၊ အဲဒါ ငါမမေးဖြစ်လိုက်ဘူးကွာ
အားနာလို့” ဆိုပြီး သူ့ကိုပြောပြတယ်။ အဲဒါနဲ့ သူကဘာပြန်ပြောသလဲသိလား။
ဖေမြ။ ။“ကိုယ့်အလှည့်ကျမှ ကိုယ်ပြန်မေး။” မဟုတ်လား။
သာလှ။ ။ဟားဟားဟားဟား- ဟုတ်သမှ သိပ်ဟုတ် ကိုဖေမြရေ- ခင်ဗျားပြောတာနဲ့
တစ်ထပ်တည်း တစ်လေသံတည်းပဲ။
ဖေမြ။ ။အဲဒါနဲ့ ခင်ဗျားသိပ်ကြောက်သွားတယ်မဟုတ်လား။
သာလှ။ ။ကြောက်သွားတယ်- စဉ်းစားရင်းနဲ့ကို ကျုပ်ကြောက်သွားတာ။
ဖေမြ။ ။ဒါနဲ့။
သာလှ။ ။ဒါနဲ့- ဟို Rock သီချင်းတစ်ပုဒ်အမည်ကိုပြေးသတိရမိတယ်၊
ဘာတဲ့ “Is the final countdown?” ပါ။
ဖေမြ။ ။ဒါဆိုရင်လည်း တစ်လုံးထပ်ဖြည့်ပေးလိုမယ်လေ၊ ဘာတဲ့
“Is the final countdown,today? တဲ့ today နော် today ဟဲဟဲ။
God Bless You
Brother Aung
